ކޮމިޝަނަރ އޮފް ޕްރިޒަންސް އަޙްމަދު ޝިހާން މިއަދު މާފުށީ ޖަލަށް ޒިޔާރަތް ކުރައްވާ އެތަނުގައި ކުރަމުން ގެންދާ ބައެއް މަސައްކަތްތައް ބައްލަވާލައްވައިފިއެވެ.
އެގޮތުން ހާއްސަކޮށް މާފުށީ ޖަލުގެ ޔުނިޓް 3 އަށް މިހާރު ގެނެވެމުންދާ ސެކިއުރިޓީއާ ގުޅޭ ބަދަލުތައް ބައްލަވާލެއްވިއެވެ. ޔުނިޓް 3 އަކީ މާފުށީޖަލުގެ މެކްސިމަމް ސެކިއުރިޓީ ޔުނިޓެކެވެ.
މި ޒިޔާރަތުގައި ޑެޕިއުޓީ ކޮމިޝަނަރ އޮފް ޕްރިޒަންސް އާއި މާލޭ ޖަލުގެ ޑައިރެކްޓަރ އެސްޕީ މޫސާ އަންވަރު ބައިވެރިވެވަޑައިގެންނެވިއެވެ.
