މާފުށީ ޖަލުން އިންތިޒާމް ކޮށްގެން ކުރިއަށްގެންދާ “މާފުށީ ޕްރިޒަން ވޮލީބޯލް ޓޯނަމަންޓް 2016” މުބާރާތުގެ ސެމީ ފައިނަލްގެ އިއްޔެ ކުޅުނު ދެ މެޗް ޕްރިޒަނަރ މެނޭޖްމަންޓާއި އީއެސްޖީ ކާމިޔާބުކޮށްފިއެވެ.
އިއްޔެ ކުޅުނު ފުރަތަމަ މެޗްގައި ޕްރިޒަނަރ މެނޭޖްމަންޓް މެޗް ކާމިޔާބުކުރީ 3-0 ސެޓުން ޕްރޮގްރާމްސް އެންޑް އޮފެންޑަރސް ބަލިކޮށްފައެވެ. މި މެޗްގެ މޮޅު ކުޅުންތެރިޔަކަށް ހޮވިފައިވަނީ ޕްރިޒަނަރ މެނޭޖްމަންޓްގެ މުޙައްމަދު ޝަރީފްއެވެ.
ސެމީ ފައިނަލްގެ ރޭ ކުޅުނު މެޗްގައި އީއެސްޖީއިން ވަނީ 3-1 ސެޓުން މާލޭ ޕްރިޒަން އެންޑް އެޗްޑީސީ ބަލިކޮށްފައެވެ. މި މެޗްގެ މޮޅު ކުޅުންތެރިޔަކަށް ހޮވިފައިވަނީ އީއެސްޖީގެ ޢަބްދުލް ޣަނީއެވެ.
މިއަދު ކުޅުމަށް ހަމަޖެހިފައިވާ ސެމީ ފައިނަލްގެ މެޗްތަކަކީ ޕްރިޒަނަރ މެނޭޖްމަންޓާއި މާލޭ ޕްރިޒަން އެންޑް އެޗްޑީސީ އަދި އީއެސްޖީ އާއި ފްރޮގްރާމްސް އެންޑް އޮފެންޑަރސްއެވެ.
