މޯލްޑިވްސް ޕޮލިސް ސަރވިސްގެ ފަރާތުން މޯލްޑިވްސް ކަރެކްޝަނަލް ސަރވިސް (އެމްސީއެސް) ގެ އޮފިސަރުންނަށް “އިންޓްރޮޑަކްޝަން ޓު ފިންގަރޕްރިންޓް އެންޑް ފޮރެންސިކް އެވިޑެންސް” ގެ ނަމުގައި ޓްރޭނިންގް ޕްރޮގްރާމެއް މާފުށީ ޖަލުގައި މިއަދު ފަށައިފިއެވެ.
ދެ ދުވަހުގެ މުއްދަތަށް ކުރިއަށް ގެންދިއުމަށް ހަމަޖެހިފައިވާ މި ޓްރޭނިންގް ޕްރޮގްރާމްގައި ބައިވެރިންނަށް ސީން ޕްރޮސެސްކުރުމަށާއި، އެވިޑެންސް ނަގާ ބަންދުކުރުމަށާއި، ފިންގަރޕްރިންޓް ނެގުމަށާއި އަދި ޑީއެންއޭ ރެފަރެންސް ސާމްޕަލް ނެގުމުގައި އަމަލުކުރާނެ އުޞޫލުތަކާއި މިންގަނޑުތައް ދަސްކޮށްދެވޭނެއެވެ.
އެމްސީއެސްގެ 36 އޮފިސަރުން ބައިވެރިވާ މި ތަމްރީން ޕްރޮގްރާމްގެ ކްލާސްތައް ނަންގަވައިދެއްވަނީ މޯލްޑިވްސް ޕޮލިސް ސަރވިސްގެ ފޮރެންސިކް ޑައިރެކްޓްރޭޓްގެ މުދައްރިބުންނެވެ.
