މާފުށީ ޖަލުގައި ކުރިއަށްގެންދާ “ރަމަޟާން ފުޓްސަލް ކަޕް 2016″ގެ ރޭގެ ފުރަތަމަ މެޗް ސެކިއުރިޓީ ކާމިޔާބުކޮށް އޮފެންޑަރ ސްޕޯރޓްސްގެ މައްޗަށް ކުރިހޯދައިފިއެވެ. ސެކިއުރިޓީ މި މެޗް ކާމިޔާބުކޮށްފައިވަނީ 11-3 ލަނޑުންނެވެ.
ރޭގެ މެޗްގައި ސެކިއުރިޓީ ޓީމުން އޮފެންޑަރ ސްޕޯރޓްސް ކޮޅަށް 11 ލަނޑު ޖެހިއިރު، ސެކިއުރިޓީ ޓީމްވަނީ އައިކޯސްޓް ކޮޅަށް ކުރީ ރޭގެ މެޗުގައި 18 ލަނޑު ޖަހާފައެވެ.
ރޭގެ ދެވަނަ މެޗްގައި ޕެންތަރ އެފްސީ އާއި ޔުނިޓް މެނޭޖްމަންޓް ބައްދަލުކޮށް، 3-4 ލަނޑުން މެޗް ކާމިޔާބުކުރީ ޕެންތަރ އެފްސީއެވެ.
ރޭގެ ފުރަތަމަ މެޗްގެ މޮޅު ކުޅުންތެރިއަކަށް ސެކިއުރިޓީގެ ޖައިލަމް ޖަމީލް ހޮވިފައިވާއިރު، ދެވަނަ މެޗްގެ މޮޅު ކުޅުންތެރިއަކަށް ހޮވިފައިވަނީ ޕެންތަރ އެފްސީގެ އަޙްމަދު މުޙައްމަދުއެވެ.
މި މުބާރާތުގައި މިރޭވެސް ދެ މެޗެއް ކުޅުމަށް ވަނީ ހަމަޖެހިފައެވެ.
