މާފުށީ ޖަލުގައި ކުރިއަށްގެންދާ “ރަމަޟާން ފުޓްސަލް ކަޕް 2016” ރޭގެ ފުރަތަމަ މެޗްގައި ސެކިއުރިޓީ ޓީމުން އައިކޯސްޓް ޓީމް ތަފާތު ބޮޑު ނަތީޖާއަކުން ލަދުގަންނަވާލައިފިއެވެ.
މި މެޗް ސެކިއުރިޓީ ކާމިޔާބުކޮށްފައިވަނީ 18-0 ން ނެވެ. މި މެޗްގައި ސެކިއުރިޓީ ޓީމުންވަނީ މޮޅު ކުޅުމެއް ދައްކާފައެވެ.
ރޭގެ ދެވަނަ މެޗްގައި އެފްސީ ރެކޮން އާއި އޮސްކަރ އެފްސީ ބައްދަލުކޮށް، 8-1 ން މެޗް ކާމިޔާބުކުރީ އެފްސީ ރެކަންއެވެ.
ރޭގެ ފުރަތަމަ މެޗްގެ މޮޅު ކުޅުންތެރިއަކަށް ސެކިއުރިޓީގެ ޖައިލަމް ޖަމީލް ހޮވިފައިވާއިރު، ދެވަނަ މެޗްގެ މޮޅު ކުޅުންތެރިއަކަށް ހޮވިފައިވަނީ އެފްސީ ރެކޮންގެ އަމްޖަދު ޢަލީއެވެ.
މި މުބާރާތުގައި މިރޭވެސް ދެ މެޗެއް ކުޅުމަށް ވަނީ ހަމަޖެހިފައެވެ.
