މާފުށީ ޖަލުން އިންތިޒާމް ކޮށްގެން ކުރިއަށްގެންދާ “މާފުށީ ޕްރިޒަން ވޮލީބޯލް ޓޯނަމަންޓް 2016” މުބާރާތުގެ ރޭ ކުޅުނު މެޗްތައް ކާމިޔާބުކުރީ ޕްރިޒަނަރ މެނޭޖްމަންޓާއި ޕްރޮގްރާމްސް އެންޑް އޮފެންޑަރއެވެ.
އިއްޔެ ކުޅުނު ފުރަތަމަ މެޗްގައި ޕްރިޒަނަރ މެނޭޖްމަންޓް އިން ވަނީ 3-2 ސެޓުން މާލޭ ޕްރިޒަން ބަލިކޮށްފައެވެ. މި ފޯރިގަދަ މެޗްގެ މޮޅު ކުޅުންތެރިޔަކަށް ހޮވިފައިވަނީ ޕްރިޒަނަރ މެނޭޖްމަންޓްގެ މުޙައްމަދު ޝަރީފްއެވެ.
މި މުބާރާތުގެ ފަސް ވަނަ މެޗް ޕްރޮގްރާމްސް އެންޑް އޮފެންޑަރ ކާމިޔާބުކުރީ 3-0 ސެޓުން އެޗްކިއުގެ މައްޗަށް ކުރިހޯދައިގެންނެވެ. މި މެޗްގެ މޮޅު ކުޅުންތެރިޔަކަށް ހޮވިފައިވަނީ ޕްރޮގްރާމްސް އެންޑް އޮފެންޑަރގެ ހުސައިން ފަޒީލްއެވެ.
