ޕީއާރުސީ ވޮލީ ޓޯރނަމެންޓް 2019 ގައި ޓީމް އެޗްކިޔޫ އަދި މާފުށި ޖަލުން ކުޅުނު ދެވަނަ މެޗް ދެޓީމުން ވެސް ކާމިޔާބުކޮށްފި އެވެ.
މިރޭގެ ފުރަތަމަަ މެޗް މާފުށީ ޖަލުން ކާމިޔާބު ކުރީ، އައިކޯސްޓާ ވާދަކޮށް 3 ސެޓު ވެސް ކާމިޔާބުކޮށްގެނެވެ. މި މެޗުގައި މޮޅު ކުޅުމެއް ދައްކައި، މޮޅު ކުޅުންތެރިޔާގެ މަގާމް ހާސިލްކުރީ، މާފުށީ ޖަލުގެ ޖަރޒީ ނަމްބަރު 5 ހުސައިން ފަޒީލް އެވެ.
އަދި ދެވަނަ މެޗުގައި ޓީމް އެޗްކިޔޫއިން މެޗް ކާމިޔާބުކުރީ، އީއެސްޖީ އާއި ދެކޮޅަށް ކުޅެ، 3 ސެޓް 2 ސެޓުގެ ނަތީޖާއަކުން އީއެސްޖީގެ މައްޗަށް ކުރިހޯދައިގެންނެވެ.
މި މެޗުގައި ދެޓީމުން ވެސް ވަނީ ވާދަވެރި ކުޅުމެއް ދައްކާފަ އެވެ. މި މެޗުގެ މޮޅު ކުޅުންތެރިޔާގެ މަގާމް ލިބިފައިވަނީ، ޓީމް އެޗްކިޔޫގެ ޖަރޒީ ނަންބަރު 8 ފިރާޝް ޢަބްދުއްރަޙުމާން އަށެވެ.
