ޑީ.ޕީ.އާރު.އެސް ގެ ކޯޕަރޭޓިވްސްގެ ފަރާތުން މާފުށީގައި ދެފިހާރައެއް ހުޅުވައިފި

dprs_corporative_shop

ޑިޕާޓްމަންޓް އޮފް ޕެނިޓެންޝަރީ އެންޑް ރީހަބެލިޓޭޝަން ސަރވިސްގެ ފަރާތުން މާފުށީގައި ދެ ފިހާރައެއް މިނިސްޓަރ އޮފް ހޯމްއެފެއާޒް ޑރ. މުޙަންމަދު ޖަމީލު އަޙްމަދު ހުޅުއްވާ ދެއްވައިފިއެވެ.

އިއްޔެ މެންދުރު ހުޅުވުނު މިދެފިހާރައަކީ ޑީ.ޕީ.އާރު.އެސްގެ ފަރާތުން ހިންގަމުންގެންދާ ކޯޕަރޭޓިވްސްއިން މަސައްކަތްކޮށްގެން ހުޅުވި ދެ ފިހާރައެވެ. މިކޯޕަރޭޓިވްސްއަށް ފައިސާ ހޯދަނީ ޖަލުމީހުން މަސައްކަތްކޮށްގެންނެވެ.

މާފުށީ ޖަލު ސަރަޙައްދުގައި ހުޅުވި ފިހާރައިގައި ހުންނަނީ ޢާންމުކޮށް ބޭނުންކުރާ ތަކެއްޗެވެ. ޖަލު ސަރަޙައްދުން ބޭރުގައި މާފުށީ ރައްޔިތުންނަށްވެސް ވިޔަފާރިކުރެވޭގޮތަށް ހުޅުވި ފިހާރައިގައި ހުންނަނީ ޖަލުމީހުން ހައްދާ ތަރުކާރީއާއި މޭވާގެ ބާވަތްތަކާއި އަދި އަތްތެރި މަސައްކަތުގެ ސާމާނެވެ.

ޖަލު ގައިދީންނަށް ހިންގާ ތަފާތު ޕްރޮގްރާމްތަކުގެ ތެރޭގައި ދަނޑު ހެއްދުމާއި، ފެހުމާއި، އަތްތެރި މަސައްކަތާއި ގާއެޅުމުގެ މަސައްކަތް ހިމެނެއެވެ. ޖަލުގެ ދަނޑުތަކުގައި ކޮޕީފަތް، ކިއުކަންބާ، ލެޓިއުސް، ބަށި އަދި ކަރާ ހައްދައެވެ. އަތްތެރި މަސައްކަތުގެ ގޮތުގައި ލަކުޑިން ތަފާތު ތަކެތި އުފެއްދުމާއި ކުރެހުންވެސް ހިމެނެއެވެ.

ޚިޔާލު ފާޅުކުރައްވާ!

Your email address will not be published. Required fields are marked *