މާފުށީ ޖަލުން އިންތިޒާމް ކޮށްގެން ކުރިއަށްގެންދާ “މާފުށީ ޕްރިޒަން ވޮލީބޯލް ޓޯނަމަންޓް 2016” މުބާރާތުގެ އިއްޔެ ކުޅުނު ފުރަތަމަ މެޗް ޕްރޮގްރާމްސް އެންޑް އޮފެންޑަރސް ކާމިޔާބުކޮށްފައިވާއިރު، އިއްޔެ ރޭގެ މެޗް ކާމިޔާބުކުރީ އީއެސްޖީއެވެ.
މިގޮތުން އިއްޔެ ކުޅުނު ފުރަތަމަ މެޗްގައި ޕްރޮގްރާމްސް އެންޑް އޮފެންޑަރސް އިން މެޗް ކާމިޔާބުކުރީ 3-0 ސެޓުން ސެކިއުރިޓީ ޔުނިޓްގެ މައްޗަށް ކުރިހޯދައިގެންނެވެ. ޕްރޮގްރާމްސް އެންޑް އޮފެންޑަރސް އިން ތިން ސެޓް ކާމިޔާބުކުރި 25-22، 25-14 އަދި 25-14 ނެވެ. މި މެޗްގެ މޮޅު ކުޅުންތެރިޔަކަށް ހޮވިފައިވަނީ ޕްރޮގްރާމްސް އެންޑް އޮފެންޑަރސްގެ އަޙްމަދު ޝާހީންއެވެ.
ރޭ ކުޅުނު މެޗްގައި ދެ ޓީމުގެ ފަރާތުން މޮޅު ކުޅުމެއް ފެނިގެން ދިޔަނަމަވެސް، މެޗް ކާމިޔާބުކުރީ އީއެސްޖީއިންނެވެ. މި މެޗްގައި އީއެސްޖީ ވަނީ 25-22، 25-23، 13-25 ން 3 ސެޓް ކާމިޔާބުކޮށްފައެވެ. އަދި އެޗްކިއުއިން 1 ސެޓް ކާމިޔާބުކުރީ 25-18 ނެވެ. މި މެޗްގެ މޮޅު ކުޅުންތެރިޔަކަށް ހޮވިފައިވަނީ އީއެސްޖީގެ ޢަބްދުލް ޣަނީއެވެ.
މިއަދުވެސް މި މުބާރާތުގެ ދެ މެޗްކުޅުމަށްވަނީ ހަމަޖެހިފައެވެ.
