ޕްރިޒަން ކޯޕަރޭޓިވް ސޮސައިޓީ (ޕްރިސްކޯ)ގެ އަހަރީ އާންމު ޖަލްސާ ރޭ ބާއްވައިފިއެވެ.
މާލޭ ޖަލުގެ އެނެކްސް އެކެއްގައި ބޭއްވި މި ޖަލްސާގައި ވޭތުވެދިޔަ އަހަރުގެ އަހަރީ ރިޕޯޓާއި މާލީ ބަޔާން ހުށަހެޅިއެވެ.
އަދި 2017 ވަނަ އަހަރުގެ ބަޖެޓާއި ޕްލޭންތައް ހުށަހެޅުމުގެ އިތުރުން، އާންމު ގަވާއިދަށްވެސް ވަނީ އިސްލާހް ގެނެސް ފާސްކޮށްފައެވެ. މި ޖަލްސާގައި ޕްރިސްކޯގެ ޗެއަރމަންގެ ވާހަކަފުޅުގައި ޕްރިސްކޯ އުފެދިގެން އައި ގޮތުގެ މައްޗަށް އަލިއަޅުވާލައްވާފައި ވެއެވެ. އަދި މިއަދާ ހަމައަށް އެކި ދައުރުތަކުގައި ޕްރިސްކޯ ހިންގެވުމުގައި ހަރަކާތްތެރިވި ބޯޑު މެމްބަރުންނަށާއި ޕްރިސްކޯ މިހިސާބަށް ގެނައުމަށް އެހީތެރިވެދެއްވާފައިވާ އެންމެހާ ފަރާތްތަކަށް ޝުކުރުއަދާކުރެއްވިއެވެ.
މި ޖަލްސާގައި ޕްރިސްކޯގެ ބޯޑު މެންބަރުންނާއި އާންމު މެންބަރުން ވަނީ ބައިވެރިވެފައިވެއެވެ.
