އައްސޭރި ޖަލުގައި ހިންގި އަތްތެރިކަމުގެ މަސައްކަތް ދަސްކޮށްދިނުމުގެ ޕްރޮގްރާމް 1 ނިމިއްޖެ

handicrafts

އައްސޭރިޖަލާއި އަދި މާފުށީ ޖަލުގައި ޙުކުމްތަންފީޛު ކުރަމުންދާ ފަރާތްތަކަށް އަތްތެރިކަމުގެ މަސައްކަތް ދަސްކޮށްދިނުމުގެ ޕްރޮގްރާމްގެ ދަށުން ލަކުޑިން ކުދި ދޯނި ހަދަން ދަސްކޮށްދިނުމުގެ ޕްރޮގްރާމް 1 މިއަދު ނިމިއްޖެއެވެ. މި ޕްރޮގްރާމް ހިންގިފައިވަނީ މާފުށީ ޖަލާއި އައްސޭރި ޖަލުގެ މުވައްޒަފުންނާއި ޤައިދީންނަށެވެ.

މި ޕްރޮގްރާމްގައި ބައިވެރިވެފައިވަނީ 8 ޕްރިޒަންސް އޮފިސަރުންނާއި 15 ޤައިދީންނެވެ. އެއީ މާފުށީ ޖަލުގެ 2 އޮފިސަރުންނާއި 5 ޤައިދީންގެ އިތުރުން އައްސޭރި ޖަލުގެ 6 އޮފިސަރުންނާއި 10 ޤައިދީންނެވެ.

މި ޕްރޮގްރާމަކީ 3 ދުވަހުގެ މުއްދަތަށް ހިންގާފައިވާ ޕްރޮގްރާމެކެވެ. އަތްތެރި ކަމުގެ މަސައްކަތް ދަސްކޮށްދިނުމުގެ މި ޕްރޮގްރާމްގައި ކިޔަވައި ދެއްވީ ކ. ހިންމަފުށީ އަނބުމާގެ / އަޙްމަދު މޫސާއެވެ. އަޙްމަދު މޫސާ މި މަސައްކަތް ދަސްކޮށްދެއްވަނީ ޤައިދީންނަށް އަތްތެރި މަސައްކަތް ދަސްކޮށްދިނުމަށް މޯލްޑިވްސް ކަރެކްޝަނަލް ސަރވިސް އާއިއެކު ވެފައިވާ  އެއްބަސްވުމެއްގެ ދަށުންނެވެ.

އަދި މިފަދަ ޕްރޮގްރާމްތައް ކުރިއަށް އޮތް ދުވަސްތަކުގައި އެހެނިހެން ޖަލުތަކުގައިވެސް ކުރިއަށް ގެންދިއުމަށްވަނީ ހަމަޖެހިފައެވެ.

ޚިޔާލު ފާޅުކުރައްވާ!

Your email address will not be published. Required fields are marked *